Timbog ang mag-asawa sa kasong Estafa sa isinagawang Entrapment Operation ng mga tauhan ng Dos Municipal Police Station sa Datu Udtog, Rosary Heights 10, Malagapas, Cotabato City noong ika-12 ng Mayo 2024.
Kinilala ni Police Lieutenant Colonel Sahibon M Mamantal, Hepe ng Dos MPS ang mag-asawang suspek na sina alyas “Abdhul”, 36 at alyas “Alma”, 34, na pawang mga residente ng naturang lugar at ang biktima na si alyas “Rosy”.
Ayon kay PLtCol Mamantal, bandang 9:51 ng gabi nang magsagawa ng Entrapment operation ang mga tauhan ng Dos MPS sa tulong ng mga awtoridad ng Cotabato City Police Office, Police Station 2 matapos makatanggap ng reklamo sa isang biktima ukol sa panloloko umano sa kanya ng mag-asawa matapos itong pagbentahan ng isang Single Motorcycle, Yamaha NMAX na may mga pekeng dokumento at halagang Php105,000 na nagresulta sa matagumpay na pagkakaaresto sa mga suspek.
Bukod dito, nakumpiska rin sa mag-asawang suspek ang Php1,000 peso bill at siyam na pirasong tig-iisang libong photocopied money na ginamit bilang entrapment money.
Kasong Estafa ng Article 315 RPC ang kakaharapin ngayon ng mga suspek.
Ang operasyon ng Cotabato City PNP ay naging matagumpay sa pakikipagtulungan ng mamamayan upang mapaigting ang kampanya kontra kriminalidad at mapanagot ang mga taong may sala sa batas.
Panulat ni Pat Veronica Laggui
