Cagayan de Oro City – Timbog ang mag-ama sa ikinasang buy-bust operation ng Cagayan de Oro City Police Station 8 bandang 4:34 ng hapon nito lamang ika-29 ng Nobyembre 2023 sa Zone 1, Brgy. Lumbia, Cagayan de Oro City.
Kinilala ni Police Major Dennis Rowell Flores, Station Commander ng Cagayan de Oro City Police Station 8, ang mag-amang suspek na sina alyas “Anthony”, 41 at kasama sa Watch Listed at ang anak na si alyas “Mark”, 18, pawang residente ng nasabing lugar.
Nakuha sa operasyon ang walong pakete ng hinihinalang shabu na may bigat na isang gramo at may Standard Drug Price na Php6,800 at isang pirasong Php500 bill na ginamit bilang buy-bust money.
Nahaharap ang mag-amang suspek sa kasong paglabag sa Sec 5 at 11, Art II ng RA 9165 o Comprehensive Dangerous Drugs Act of 2002.
Ang Cagayan de Oro City PNP ay patuloy sa pagsasagawa ng mga operasyon laban sa ilegal na droga at kriminalidad para maging payapa at ligtas ang mga mamamayan.
