Maguindanao del Norte – Nagsagawa ng Madrasah/Masjid Visitation ang mga kapulisan ng Police Regional Office Bangsamoro Autonomous Region sa mga estudyante ng Al-arabie Al-islamie sa Parang, Maguindanao del Norte nito lamang ika-15 ng Hulyo 2023.
Ang naturang aktibidad ay kaugnay ng selebrasyon sa ika-28 anibersaryo ng Police Community Relations Month na pinangunahan ni Police Lieutenant Colonel Melbeth Mondaya, Assistant Chief, RCADD, katuwang ang Regional Police Community Affairs and Development Unit BAR at Parang Municipal Police Station.
Naging matagumpay ang aktibidad na nakapagbigay serbisyo tulad ng pamamahagi ng school supplies at feeding program sa 110 estudyante ng naturang madrasah.
Samantala, patunay lamang ang aktibidad na ito sa pagmamahal ng PRO BAR sa ating komunidad at isang paraan din upang mas mapagtibay ang relasyon ng PNP at ng komunidad tungo sa mas maayos at maunlad na pamayanan.
Panulat ni Patrolman Charlie Nasroden Corpuz
