Pinamungajan, Cebu – Naghatid ng maagang pamasko ang mga tauhan ng Pinamungajan Police Station sa isang residente ng Brgy. Opao, Pinamungajan, Cebu nito lamang Disyembre 3, 2022.
Ang Pinamungajan PNP sa pangunguna ni Police Major Vincent Zozobrado, Chief of Police, ay nagpaabot ng bigas, itlog at groceries sa mag-asawang sina Albina Guintog at Gilbert Ceniza na may dalawang anak.
Laking pasasalamat ni nanay Albina sapagkat ayon sa kanya malaking tulong ito sa kanyang pamilya lalo’t hindi nakakapaghanap buhay ang kaniyang kabiyak dahil may kapansanan at masyado pang maliliit ang mga anak nito.
Patuloy na nagsusumikap at nagbibigay serbisyong may malasakit ang mga kapulisan upang mapaglingkuran ang mga mamamayan hanggang sa abot ng kanilang makakaya lalo’t higit sa mga residenteng lubos na nangangailangan na kanilang nasasakupan.
