Nagmistulang Santa Claus ang mga tauhan ng Medellin Police Station sa inilunsad na Community Outreach Activity sa Barangay Kawit, Medellin, Cebu nito lamang Linggo, Disyembre 11, 2022.
Sa pangunguna ng Hepe ng istasyon na si Police Captain Kelvin Roy Mamaradlo, katuwang ang ilan sa mga kasamahan nito, ay masayang ipinaabot sa nasa 22 piling pamilya at estudyante sa lugar ang mga grocery items at school supplies na handog sa mga ito.
Labis naman ang tuwa at pasasalamat ng mga naging bahagi ng aktibidad dahil sa walang patid na paghahatid ng Medellin MPS ng tulong at malasakit na serbisyo publiko higit na lalo sa pagsisiguro sa kaayusan, kaligtasan at kapayapaan ng komunidad.
