Zamboanga del Norte – Arestado ang isang miyembro ng Lumarang Gang sa isinagawang joint enforcement operation ng mga awtoridad nito lamang Pebrero 10, 2023.
Kinilala ni Police Colonel Glenn Dulawan, Provincial Director, Zamboanga del Norte Police Provincial Office, ang naarestong suspek na si alyas “Ibrahim”, 32, walang asawa, at residente ng Brgy. Dona Cecilia, Sirawai, Zamboanga del Norte.
Ayon kay PCol Dulawan, bandang 10:55 ng umaga nang naaresto ang suspek sa Brgy. S. Cabral, Siocon, Zamboanga del Norte sa pinagsanib na puwersa ng mga operatiba ng 905th Manuever Company Regional Mobile Force Battalion 9, Siocon MPS, Sirawai MPS, Anti-Kidnapping Group Mindanao Field Unit, Regional Intelligence Division 9, at Philippine Army sa bisa ng Warrant of Arrest sa kasong Multiple Murder na walang inirekomendang piyansa.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU9
