San Remigio, Antique – Isinuko ng isang lalaki ang isang Homemade 12-gauge shotgun na may isang magazine at isang live ammunition sa mga tauhan ng 1st Antique Provincial Mobile Force Company sa Brgy. Lumpatan, San Remigio, Antique nitong ika-12 ng Agosto 2022.
Ang nasabing lalaki ay isang magsasaka at residente ng nasabing barangay na boluntaryong nagsuko ng kanyang baril sa mga tauhan ng 3rd Forward Operational Base (FOB) ng 1st Antique PMFC sa pangunguna ni Police Senior Master Sergeant Zander Khan Gillegao, FOB Officer-In-Charge sa pangangasiwa ni Police Lieutenant Colonel Ariel S Artillero, Force Commander.
Ang naturang pagsuko ay resulta sa walang humpay na pagsasakatuparan ng 1st Antique PMFC ng iba’t ibang information dissemination, talakayan at ng kanilang inisyatibong tinagurian na “Armas Baylo Bugas”.
Patuloy namang hinimok ng PNP ang lahat ng mga Antiqueños na nagmamay-ari ng mga ilegal at hindi rehistradong baril na isuko sa pinakamalapit na Forward Operational Bases (FOBs) o pinakamalapit na istasyon.
###
