Maguindanao del Norte – Isinuko ni Hon. Dhen Samsudin, Barangay Kapitan ng Bongo ang isang loose firearm sa Hepe ng South Upi Municipal Police Station sa Maguindanao del Sur nito lamang ika-11 ng Hulyo 2023.
Ayon kay Police Major Dareen Tolosa, ang naturang baril ay mula sa constituents ni Hon. Samsudin na nahikayat na isuko na ang nasabing armas dahil na din sa patuloy na kampanya ng gobyerno laban sa ilegal na armas at dahil sa kawalan nito ng kaukulang papeles.
Dagdag pa, hinihikayat din ni PMaj Tolosa ang sinumang nais na isuko ang kanilang baril ay maaaring makipagtulungan sa kapulisan para sa mas tahimik na buhay at hindi humantong sa pagkakakulong.
Samantala, patunay lamang ang pagsuko na ito sa matibay sa relasyon ng Pambansang Pulisya ng Pilipinas at ng iba pang ahensya ng gobyerno na naglalayong mapanatili ang katahimikan at kaayusan sa komunidad at maiwasan ang panganib na maaaring idulot ng kriminalidad at terorismo.
Panulat ni Patroman Charlie Nasroden Corpuz
