Sulu – Boluntaryong isinuko ng isang concerned citizen sa Indanan PNP ang kanyang loose firearm sa Brgy. Tagbak, Indanan, Sulu noong Ika-20 ng Mayo 2023.
Kinilala ni Police Major Edwin Sapa, Chief of Police ng Indanan Municipal Police Station, ang nagsuko ng baril na si alyas “Noah”, 44, residente ng Sitio Makopa, Brgy. Manggis, Indanan, Sulu.
Ayon kay PMajor Sapa, ang isinukong baril ay isang yunit ng Caliber .38 revolver (Smith and Wesson) na walang serial number at walang bala.
Ang isinukong baril ay pansamantalang nasa pangangalaga ng Indanan MPS para sa dokumentasyon at ituturn-over sa Sulu Provincial Forensic Unit para sa tamang disposisyon.
Ito ay resulta ng pinaigting na kampanya kontra Loose Firearm at Oplan Kontra Boga na programa ng Pambansang Pulisya ng Pilipinas.
Patuloy naman na nagpapaalala ang Pambansang Pulisya ng Pilipinas sa mga gun owners na siguruhing may kaukulang dokumento ang mga baril na pagmamay-ari nila para hindi humantong sa pagkakakulong at kung may “unregistered firearms” naman ay maaaring makipag-ugnayan sa pinakamalapit na himpilan ng pulisya kung nais nila itong isuko.
Panulat ni Pat Mark Vincent Valencia
