Maguindanao del Sur – Boluntaryong isinuko ng punong barangay ang isang loose firearm sa mga tauhan ng Datu Hopper Municipal Police Station, Maguindanao del Sur nito lamang Agosto 24, 2023.
Ayon kay Police Captain Ramillo Serame, Chief of Police, Datu Hopper MPS, ang nagsuko ng baril ay si Hon. Baimaslah Zangkala, Chairwoman ng Datu Hopper.
Ang isinukong baril ay isang yunit ng Shotgun Gauge 12 na walang serial number, na may isang bala.
Ang matagumpay na pagsuko ay kaugnay sa pinaigting na kampanya “Kontra Boga Bravo” at sa paghahanda sa nalalapit na Barangay at Sangguniang Kabataan Eleksyon 2023.
Patuloy ang PNP sa pagpapatupad ng batas tungo sa pagkamit ng isang payapa at maunlad na bansa.
Panulat ni Patrolman Mark Vincent Valencia
