Zamboanga City – Isinuko ng isang magsasaka ang isang loose firearm sa mga tauhan ng Zamboanga City Police Station sa 2nd Zamboanga City Mobile Force Company Headquarters, Brgy. Baliwasan, Zamboanga City nito lamang Lunes, Disyembre 26, 2022.
Ayon kay Police Colonel Alexander Lorenzo, City Director ng Zamboanga City Police Office, ang isinukong baril ay pagmamay-ari ni alyas “Jul”, 53, may asawa at residente ng Brgy. Maasin, Zamboanga City.
Ang naturang baril ay isang yunit na calibre .38 revolver na walang serial number at walang bala.
Samantala, nanawagan ang Zamboanga City PNP sa ibang may-ari ng baril na walang kaukulang dokumento na isuko sa awtoridad upang maiwasan na magkaroon ng kaso.
Panulat ni Patrolman John Ronald Tumonong/RPCADU 9
