Boluntaryong isinuko ng isang lalaki ang kanyang loose firearm sa mga tauhan ng Parang Municipal Police Station sa Barangay Kanaway, Parang, Sulu noong ika-26 ng Disyembre 2024.
Kinilala ni Police Lieutenant Jan Michael Nolan M Mambuay, Chief of Police ng Parang Municipal Police Station, ang lalaki na si alyas “Allan,” nasa wastong gulang at residente ng nasabing lugar.
Ayon kay PLt Mambuay, kusang nagtungo si alyas “Allan” sa istasyon upang isuko ang di lisensyadong isang Unit ng Armscor Cal. 45 na may serial number na 1191376.
Ang boluntaryong pagsuko na ito ay patunay ng mas pinaigting na kampanya ng PNP laban sa loose firearm, katuwang ang patuloy na pagpapatupad ng Oplan ADFER Revitalized Katok, na nagsasagawa ng house-to-house visitation upang hikayatin ang mga indibidwal na magtulungan para sa kapayapaan at kaayusan sa nasasakupan.
Panulat ni Pat Veronica Laggui
