La Union – Boluntaryong isinuko ng barangay kagawad ng Barangay Paagan, Santol, La Union ang isang loose firearm sa Santol Municipal Police Station nitong Martes ng hapon, Disyembre 27, 2022.
Ang nasabing loose firearm ay isinurrender kay Barangay Kagawad Daniel Oña y Obejas, 63, at residente ng Brgy. Paagan, Santol, La Union ng isang residente rin sa nasabing lugar ngunit tumangging ilantad ang kanyang pagkakakilanlan.
Ang isinukong armas ay isang uri ng caliber .38 revolver at walang serial number.
Ang pagsuko ng nasabing armas ay resulta ng isinagawang “Oplan Katok” sa mga residente na may mga expired na license to own and possess firearms at rehistro ng kanilang mga baril/armas sa pamumuno ni Police Lieutenant Sonny Baluca, Deputy Chief of Police ng Santol MPS.
Ito rin ay kaugnay sa pinaigting na pagsasakatuparan ng Simultaneous Anti-Criminality Law Enforcement Operations (SACLEO), na nakatuon sa kampanya laban sa loose firearms (RA 10591), mga paglabag sa Comprehensive Dangerous Drugs Act of 2002 (RA 9165), pag-aresto sa mga wanted persons, anti-illegal logging at anti-illegal gambling activities.
Nasa kustodiya na ngayon ng Santol MPS ang nabanggit na baril na sinelyohan para sa safekeeping.
Layunin nitong mapanatili ang katahimikan at kaayusan sa komunidad at maiwasan ang panganib na maaaring idulot ng kriminalidad at terorismo.
Source: Santol Municipal Police Station
Panulat ni PSSg Vanessa A Natividad
