Himas rehas ang isang 61-anyos na lolo matapos mahuli ng pulisya sa Purok Sitio Manirub, Brgy. Pamantingan, Esperanza, Sultan Kudarat nito lamang Disyembre 10, 2023.
Kinilala ni Police Major Alexander De Pedro, Acting Chief of Police ng Esperanza Municipal Police Station, ang suspek na si alyas “Miranda”, walang asawa, at residente ng Brgy. Poblacion, Esperanza, Sultan Kudarat.
Inaresto si Lolo Miranda sa bisa ng Warrant of Arrest kaugnay sa kasong Acts of Lasciviousness, Qualified Statutory Rape at Rape through Sexual Assault.
Patuloy ang Esperanza PNP sa pagpapatupad ng katahimikan at kaayusan sa kanilang nasasakupan tungo sa pagkamit ng kaunlaran.
Panulat ni Patrolman Khnerwin Jay A Medelin
