Opisyal nang sinimulan ng Police Regional Office (PRO) 13 ang Logistics Management Course (LMC) na nilahukan ng 53 personnel na ginanap sa Convention Hall, Camp Col Rafael C Rodriguez, Libertad, Butuan City nito lamang Hulyo 24, 2024.
Pinangunahan ni Police Brigadier General Alan M Nazarro, Regional Director ng PRO 13, ang nasabing seremonya at nagsilbi bilang Panauhing Pandangal at Tagapagsalita.
Ang nasabing pagsasanay ay nilahukan ng 53 personnel na kinabibilangan ng 51 Police Commissioned Officers (PCOs) mula sa PRO13, isa mula sa Regional Training Center 7, at isa mula sa Bureau of Fire Protection 13 na isasagawa sa pamamagitan ng face-to-face learning mode.
Ang Logistics Management Course ay binubuo ng 45-araw na kurso na idinisenyo para sa mga Police Commissioned Officers at Non-Uniformed Personnel sa posisyong superbisor na naglalayong bumuo ng kakayahan, kasanayan at halaga ng mga kalahok sa pamamahala ng logistic.
“We ensure that we have the right assets and equipment at the right time, making sure our operations run smoothly. With proper handling of our logistics, we reduce the risk of unwanted waste while improving our capabilities to provide the best public safety services and maximize our police operations,” ani PBGen Nazarro.
Panulat ni Patrolwoman Karen Mallillin
