Dagupan City, Pangasinan (February 13, 2022) – Naglabas ang opisina ni Mayor Brian Lim ng Executive Order na kung saan pwede na ulit magbenta at magkonsumo ng alak sa siyudad ng Dagupan, subalit kailangan pa rin ng striktong pagsunod sa mga health protocols.
Ayon sa Executive Order ng Mayor, ang mga palengke ay bukas sa mga mamimili tuwing Huwebes at sarado naman sa una at ikatlong huwebes ng buwan para sa “disinfection”.
Ang pag-alis sa Liquor Ban at Curfew Hours ay dahil sa patuloy na pagbaba ng bilang ng mga COVID-19 positive sa syudad.
Gayunman, ipinagbabawal pa rin ang mga social gatherings o kumpulan. Kailangan pa ring panatilihin ang social distancing.
Hindi rin papayagan ang tagay o hiraman ng mga baso sa inuman, at iba pang kagamitan.
#####
Panulat ni PSSg Bader Ceasar B Ayco, RPCADU1
