Luna, Apayao – Nagsagawa ng 2-Day Liquid Soap Making Seminar at Workshop ang mga tauhan ng Apayao 1st Provincial Mobile Force Company sa Brgy. Dagupan, Luna, Apayao nito lamang Disyembre 8-9, 2022.
Ang aktibidad ay pinangunahan ng mga tauhan ng 1st Apayao Provincial Mobile Force Company katuwang ang Alternative Learning System-Luna District, Company Advisory Council Member at ALS teachers.
Nasa 33 ALS learners at mga community members ang aktibong nakiisa kung paano ang proseso sa produksyon ng liquid soap alinsunod sa proyekto na “Tahilpa”, isang programa na naglalayon makapagbigay edukasyon at pangkabuhayan.
Labis naman ang pasasalamat ng mga guro at mga ALS learners sa Apayao PNP sa naibahaging kaalaman na magbibigay ng dagdag kita sa kanilang araw-araw na pangangailangan.
Source: Apayao 1st Provincial Mobile Force Company
