Quezon – Mas pinaigting ng mga miyembro ng Infanta Municipal Police Station ang pagsasagawa ng Ligtas Paskuhan Safety Tips sa mga pampublikong establisyimento sa Poblacion 38, Infanta, Quezon nito lamang Disyembre 23, 2023.
Nanguna si Police Corporal Hanna Dicen, Asst. PCR PNCO at Police Corporal John Breniel Sapungan sa direktang liderato at inisyatibo ni Police Major Fernando Credo, Chief of Police ng Infanta MPS, ang palakasin ang ugnayan ng PNP at komunidad sa pamamagitan ng pagbisita at pamimigay ng flyers na naglalaman ng mga safety tips.
Layunin ng aktibidad na masigurong payapa, tahimik, at maayos ang kanilang nasasakupan habang ipinagdirawang ang kapaskuhan at bagong taon, malayo sa anumang aksidente o kaguluhan. Ito ang nagpapatunay na ang Infanta PNP ay maaasahan at handang magsilbi sa mga taong nangangailangan.
Source: Infanta Municipal Police Station
Panulat ni PSSg Grace Neville Ortiz
