Las Piñas City — Hinainan ng Warrant of Arrest sa kasong murder ang isang lalaking lider ng Alvin Robbery Hold-Up Group na kasalukuyang naka-admit sa hospital nito lamang Huwebes, Mayo 18, 2023 ng mga operatiba ng Las Piñas City.
Kinilala ni Police Brigadier General Kirby John Kraft, District Director ng Southern Police District, ang akusado na si alyas “Alvin Muslim”, o alyas “Alvin Abdul Rahip Abdul Rahim”, at alyas “Ibrahim Abdularif Magboo”, 29.
Ayon kay PBGen Kraft, ang pag-aresto ay naganap bandang 11:00 ng gabi sa Las Piñas General Hospital habang naka-confine ang suspek sa pinagsanib puwersa ng mga tauhan ng Warrant at Subpoena Section kasama ang Station Intelligence Section, Zapote Substation ng Las Piñas CPS at mga kapulisan mula sa Bacoor CPS.
“Ang pagtutulungan ng iba pang unit ng pulisya ay naglalarawan ng isang mahusay na halimbawa ng kooperasyon at koordinasyon na nagresulta sa matagumpay na operasyon. Ating binibigyang papuri ang pagsisikap ng mga operating unit sa pagpapakita ng buong husay at dedikasyon upang mapanatili ang kapayapaan at kaayusan sa ating bansa,” ani PMGen Edgar Alan O Okubo, RD ng NCRPO.
Source: SPD PIO
Panulat ni PSSg Remelin M Gargantos
