Pampanga – Tuloy-tuloy na namimigay ang Mabalacat City PNP ng libreng tinapay para sa mga mag-aaral sa Mangalit Elementary School, Barangay Mangalit, Mabalacat City, Pampanga nito lamang Miyerkules, ika-30 ng Agosto 2023.
Ang naturang paghahatid ng tulong ay pinamunuan ni Police Lieutenant Colonel Abraham Abayari, Chief of Police ng Mabalacat City Police Station katuwang ang kanilang stakeholders ang Gardenia Philippines.
Nag-abot ang Mabalacat City PNP ng libreng tinapay sa mga estudyante ng nasabing paaralan.
Labis ang kagalakan at pasasalamat ng mga bata sa masarap na tinapay na kanilang babaunin o meryenda sa kanilang pagpapasok sa eskwelahan.
Sinisiguro ng Mabalacat City PNP ang patuloy sa paghahatid ng serbisyo sa kanilang nasasakupan upang mas mapagtibay ang ugnayan ng PNP at ng komunidad.
Panulat ni PCpl Jeselle V Rivera
