Mabalacat City, Pampanga – Namahagi ng mga libreng school supplies ang Mabalacat City PNP sa mga kabataan ng Brgy. Macapagal Village, Mabalacat City, Pampanga nito lamang Biyernes, Agosto 26, 2022.
Ang aktibidad ay pinamunuan ni Police Lieutenant Colonel Protom Guevarra, Acting Chief of Police ng Mabalacat City Police Station kasama ang mga miyembro ng Kabataan Kontra Droga at Terorismo – Mabalacat Chapter.
Tinatayang 15 na bata ang nahandugan ng libreng school supplies, pares ng tsinelas, mga damit at food packs para sa mga residente ng nasabing lugar.
Pasasalamat naman mula sa mga kabataan at mga magulang ang natanggap ng ating Mabalacat PNP bilang resulta ng kanilang aktibidad.
Ang naturang aktibidad ay naglalayon na paigtingin ang ugnayan ng PNP at ng komunidad na nakapaloob sa programa ng ating Pambansang Pulisya, ang Malasakit + Kaayusan + Kapayapaan = Kaunlaran.
Source: Mabalacat City Police Station
###
Panulat ni Police Corporal Jeselle Rivera
