Aurora – Namahagi ng libreng school supplies ang Baler PNP sa mga bata na residente ng Brgy. Pingit, Baler, Aurora nito lamang Biyernes, ika-24 ng Pebrero 2023.
Ito ay sa ilalim ng pangangasiwa ni Police Major Eduardo Mendoza, Chief of Police ng Baler Municipal Police Station.
Namigay ng mga libreng kwaderno, lapis, krayola ang Baler PNP na lubos namang ikinatuwa ng mga bata nang matanggap ang simpleng handog ng mga awtoridad.
Ang naturang aktibidad ay kaugnay sa Peace and Security Framework ng Pambansang Pulisya ang M+K+K=K o Malasakit, Kaayusan, Kapayapaan tungo sa Kaunlaran at KASIMBAYANAN o Kapulisan, Simbahan at Pamayanan Program.
Source: Baler Municipal Police Station
Panulat ni Police Corporal Jeselle Rivera/RPCADU3
