Misamis Oriental – Tuloy-tuloy ang pagsagawa ng libreng sakay ng mga miyembro ng Misamis Oriental 1st Provincial Mobile Force Company para sa mga commuters sa Brgy. Cahulogan, Gingoog City nito lamang Lunes, ika-20 ng Nobyembre 2023.
Ang aktibidad ay naging posible sa pangunguna ni Police Lieutenant Colonel Ariel Philip Pontillas, Force Commander ng 1st Misamis Oriental Provincial Mobile Force Company.
Tinangkilik ito ng mga estudyante dahil malaking tulong para sa kanilang araw-araw na gastusin at mabibili nila ang nakalaan sa pamasahe sa kanilang mga proyekto sa paaralan.
Ang programa ay naglalayong magbigay ng libreng transportasyon na makatutulong na mabawasan ang kanilang pinansyal na pasanin at patuloy na bumuo ng maayos na relasyon sa pagitan ng PNP at mamamayan.
Panulat ni Patrolman Nicole Villanueva
