Aurora – Tuloy-tuloy na umaarangkada ang libreng pangkabuhayang “Palaisdaan” ng Aurora 2nd Provincial Mobile Force Company para sa mga nagbalik-loob na mga dating rebelde sa KM11, Dipaculao, Aurora nito lamang Sabado, ika-26 ng Agosto 2023.
Ang naturang livelihood program ay naging positibo sa ilalim ng pamumuno ni Police Lieutenant Colonel Cielo Caligtan, Force Commander ng Aurora 2nd Provincial Mobile Force Company.
Muling nakapag-ani ng 40 kilos na isdang tilapia sa loob ng anim na buwan dahil sa pagsisikap ng mga dating rebelde na labis ang kasiyahan at pasasalamat sa ibinigay na oportunidad at alternatibong paraan para sa kanilang paghahanap-buhay.
Patunay lamang na naging epektibo ang naturang programa ng Aurora 2nd PMFC sa paghahatid ng malasakit para sa mga nagbalik-loob sa pamahalaan.
Source: Aurora 2nd PMFC
Panulat ni PCpl Jeselle V Rivera
