Isabela – Matagumpay ang isinagawang Ceremonial Blessing at Turn-over ng Libreng Pabahay Project ng Sto Tomas PNP na pinamumunuan ni Police Captain Tranquilino M Mora, Officer-in-Charge sa Brgy. Calanigan Norte, Sto Tomas, Isabela noong ika-21 ng Hulyo 2023.
Ang nabanggit na aktibidad ay pinangunahan nina Police Lieutenant Colonel Emmanuel Viernes, DPDA at Police Lieutenant Colonel Michael Aydoc, Chief, PCADU kasama ang mga LGU officials, Brgy. Chairman, Life Coach, at ilang miyembro ng National Coalition ng Lingkod Bayan Advocacy Support Group at Force Multipliers.
Ang pabahay na pang ika-54 sa buong probinsya ng Isabela na nagkakahalaga ng Php351,500 ay iginawad kay Mr. Vincent Saquing na hindi maikakaila ang sayang nadarama dahil sa pagpili sa kanya na maging benepisyaryo.
Bukod sa pabahay ay nakatanggap rin ito ng bigas at grocery items na may halagang Php1,500.
Sa nasabing aktibidad ay nagbahagi naman ng makabuluhang mensahe si Provincial Director, Police Colonel Julio R Go kung saan kanyang hinangaan ang husay at dedikasyon ng mga kapulisan ng Sto Tomas na makapaghatid ng tulong sa benipisyaro gayundin sa Local Government Units at ilang stakeholders ng munisipalidad na bukas ang palad sa pagbibigay ng suporta sa anumang proyekto ng mga kapulisan.
Source: Isabela PPO, PIO
