Palawan – Naghandog ng Libreng Pabahay at Grocery package ang mga tauhan ng 401st Battalion Maneuver Company Regional Mobile Force Battalion sa Taytay, Palawan nito lang ika-8 ng Hunyo 2023.
Disyembre 2021 nang sumalanta ang Bagyong Odette sa Pilipinas, isa ang lalawigan ng Palawan sa mga probinsyang nasalanta sa buong bansa, mga sirang tulay, walang supply ng kuryente, dalawang araw na walang komunikasyon at sirang mga bahay ang iniwan ng Bagyong Odette sa Lalawigan ng Palawan.
Si Mrs. Francisca Repecio, isang katutubong Tagbanua sa bayan ng Taytay, Palawan ay isa sa mga naging biktima ng bagyong Odette, kasama ang kanyang bahay sa libo libong mga ari-arian na naapektuhan ng bagyo.
Kaya naman, ang kapulisan ng 401st Battalion MC, RMFB sa pangunguna ni Police Captain Joseph Erpelo, Officer-In-Charge ay naghandog ng tahanan at grocery package kay Mrs. Francisca Repecio.
Sa lubos na kagalakan ng Ginang, siya ay naghandog ng kakanin bilang simbolo ng kanyang pasasalamat at kagalakan.
Pinangunahan naman ni Pastor Charlemagne D. Corpuz, 401st KASIMBAYAN Adviser ang nasabing “house blessing” sa bagong tahanan ng Ginang, katuwang ang Pamahalaang Lokal ng Taytay sa pangunguna ni Hon. Christian V. Rodriguez, Municipal Mayor.
Ating yakapin ang bawat pangarap ng ating kapwa, alisin ang kanya kanya at pagkakaiba tungo sa minimithi nating pagkakaisa.
Panulat ni Patrolman Erwin Calaus
