Oriental Mindoro – Nagsagawa ng medical assistance ang mga tauhan ng 403rd Battalion Maneuver Company Regional Mobile Force Battalion MIMAROPA sa Brgy. Benli, Bulalacao, Oriental Mindoro noong Enero 15, 2023.
Ang aktibidad ay pinangunahan ni Police Captain Sherwin Ramirez, Officer-In-Charge ng 403rd Battalion Maneuver Company RMFB MIMAROPA kasama ang mga Barangay Health Worker ng nasabing barangay.
Ayon Kay PCpt Ramirez, namahagi ang grupo ng iba’t ibang uri ng gamot at libreng health consultation sa mahigit isang daang pamilyang residente ng naturang lugar.
Dagdag pa ni PCpt Ramirez, abot langit ang ngiti at saya ng mga taong nakilahok sa naturang aktibidad.
Patuloy na isinasagawa ng PNP ang mga ganitong programa na naglalayong isulong ang pagkakaisa tungo sa ligtas at maunlad na pamayanan.
Panulat ni Patrolman Joebet Balana
