Misamis Oriental – Tuwa ang nadarama ng mga estudyante ng Gadrinab Elementary School sa isinagawang Libreng Gupit ng mga tauhan ng Revitalized Pulis Sa Barangay Team Banglay na ginanap sa C. Gadrinab Elementary School, Brgy. Banglay, Lagonglong, Misamis Oriental nito lamang Pebrero 23, 2023.
Ito ay sa pangangasiwa ni Police Captain Winfield Sarmiento, Team Leader sa ilalim ng pamumuno ni Police Colonel Gonzalo Villamor Jr, Provincial Director ng Misamis Oriental Police Provincial Office.
Kasabay ng programa ay ang pakikipanayam sa mga guro kaugnay ng school visitation ng Pulisya upang masiguro ang seguridad, at kaayusan, katahimikan ng nasabing paaralan.
Layunin ng aktibidad na mapadama ang pagmamalasakit sa komunidad na parte ng programang Revitalized PNP KASIMBAYANAN o Kapulisan, Simbahan at Pamayanan Program.
Panulat ni Patrolman Edwin Baris/RPCADU10
