Maco, Davao de Oro – Nagsagawa ng libreng gupit ang mga tauhan ng R-PSB Team Cluster 9 sa mga residente ng Barangay Malamodao, Maco, Davao de Oro, nito lamang Lunes, Mayo 16, 2022.
Pinagbigyan ng mga tauhan ng R-PSB Team Cluster 9 sa pangunguna ni PLt Rodien Hormigas, Team Leader, sa pangangasiwa ni PCol Leonard Luna, Provincial Director, Davao de Oro Police Provincial Office ang kahilingan ng mga residente upang magkaroon ng libreng gupit sa kanilang lugar.
Ayun kay PLt Hormigas, ang naturang aktibidad o “Libreng Gupit ni R-PSB” ay naglalayong panatilihin ang maayos na pisikal na anyo ng mga residente sa naturang lugar at upang maipakita na rin ang serbisyo ng PNP hindi lamang sa pagpapanatili ng kapayapan at kaayusan kundi pati na rin sa pagbibigay ng mga libreng serbisyo katulad nito.
Matatanda at bata ang pangunahing nakinabang sa naturang aktibidad. Nagbigay pasasalamat naman ang mga residente sa mga tauhan ng PNP sa walang sawang pagbibigay ng serbisyo sa kanila.
Samantala, ang Police Regional Office 11 sa pangunguna ni PBGen Benjamin Silo, Jr., Regional Director, ay walang sawang maghahatid ng mga libreng serbisyo sa mga mamamayan ng Rehiyon Onse upang maipakita ang pagpapahalaga at pagmamalasakit nito.
###
Panulat ni Patrolman Preal Cris Edosma
