Naghandog ng libreng gupit ang mga tauhan ng Tacloban City Police Office at Armed Forces of the Philippines na ginanap sa Miguel Romualdez Memorial Auditorium nito lamang ika-28 ng Agosto 2024.
Ang naturang aktibidad ay inisyatiba ng pinagsamang mga tauhan ng Tacloban City Police Office sa pamumuno ni Police Colonel Michael P Palermo, City Director at mga personahe ng Joint Task Group (JTG)-Tacloban, kasama ang mga Faculty Staff at mga estudyante ng Eastern Visayas State University-Main Campus sa pamumuno ni Dr. Dennis De Paz, University President sa koordinasyon sa Commission on Higher Education (CHED) Regional Office VIII.
Tinatayang 60 guro at mga lalaking estudyante ang nakilahok sa isinagawang aktibidad.
Layunin ng aktibidad na pasiglahin ang tiwala at magtatag ng matatag na koneksyon sa mga henerasyon ngayon. Ang diskarte ay hindi lamang bumubuo ng bahagi sa mga relasyon sa komunidad ng PNP at ng Militar ngunit nakakatulong din sa pag-aayos at personal na pag-unlad ng mga mag-aaral.
Ang PNP katuwang ang iba pang ahensya ng gobyerno ay handang tumulong sa anumang paraan at sa abot ng kanilang makakaya upang magbigay serbisyo sa ating mga kababayan.
Panulat ni Patrolwoman Ma. Elena B Singian
