Basay, Negros Oriental – Naging makabuluhan ang inilunsad na libreng binyag ng mga tauhan ng Basay Municipal Police Station sa Barangay Olandao, Basay, Negros Oriental nito lamang Agosto 12, 2022.
Ang nasabing aktibidad ay inisyatibo ng mga kapulisan ng Basay PNP sa direktang pangangasiwa ni Police Lieutenant Julius Rene Cayang Peñaflorida, Officer-In-Charge, sa tulong ni Father Anecito Boboy Gutierrez, Parist Priest ng San Nicolas De Tolentino Parish Church katuwang na rin ang Brgy. Captain na si Hon. Pampiana Bernabe.
Nasa 28 na kabataan at pamilya ang naging benipisyaryo ng libreng binyag na lubos naman ang pinagpapasalamat ng mga magulang ng mga naging benipisyaryo sa busilak na kalooban ng ating mga kapulisan.
Samantala, labis namang ikinatuwa ng pulisya ang matamis na ngiti ng mga bagong binyag na pumawi sa pagod na kanilang nararamdaman.
Ang Basay PNP ay patuloy na maghahatid ng serbisyong makatao at may malasakit upang maipadama ang pagkalinga at pagmamahal ng Pambansang Pulisya na susi sa pagkakaroon ng matibay na relasyong pulisya at komunidad.
###
Panulat ni Patrolwoman Kyla Hannah Evangelista
