General Santos City – Namahagi ng libreng bigas ang mga tauhan ng Police Station 6 ng General Santos City sa mga residente ng Purok 4, Barangay Bula, General Santos City nitong ika-24 ng Hulyo, 2023.
Pinangunahan ni Police Captain Ari Noel Cardos, Acting Station Commander, ang aktibidad kasama ang mga tauhan ng Police Station 6 at mga Force Multipliers na boluntaryong nakiisa sa pamamahagi.
Mahigit 80 na residente ang naging benepisyaryo na napamahagian ng 3 kilo ng bigas bawat isa.
Kasabay ng aktibidad ay nagturo din sila ng kaunting kaalaman patungkol sa pag-iwas sa ilegal na droga.
Ang mga ganitong aktibidad ang nagpapatibay ng ugnayan ng mamamayan at ng kapulisan upang mapanatili ang progresibo at maayos na komunidad.
Panulat ni Patrolman Charnie Atienza Mandia
