General Santos City – Naghandog ng libreng bigas ang mga tauhan ng Police Station 6 ng General Santos City Police Office sa mga residente ng Carcon Village, Purok 13, Brgy. Lagao, General Santos City nito lamang ika-6 ng Hunyo 2023.
Pinangunahan ni Police Captain Ari Noel Cardos ang pamamahagi kasama ang PNP Anti-Cybercrime Group, Philippine Drugs Enforcement Group at Force Multipliers na boluntaryong nakiisa sa aktibidad.
Umabot sa 80 na residente ang naging benepisyaryo na napamahagian ng limang kilong bigas bawat isa.
Nagpasalamat naman ang mga benepisyaryo dahil sa walang sawang pagtulong sa kanila ng PNP sa kabila ng mga sakuna at pandemya.
Ang mga ganitong aktibidad ay nagpapakita ng matibay na ugnayan ng pulisya at mamamayan tungo sa maayos, progresibo at mapayapang komunidad.
Panulat ni Patrolman Charnie Atienza Mandia/RPCADU12
