Aparri, Cagayan – Arestado ng Aparri PNP ang isang LGU Employee sa kasong paglabag sa RA 10591 at RA 9165 noong Hunyo 13, 2022.
Kinilala ni Police Captain Tristan John Zambale, Acting Chief of Police ng Aparri Police Station ang suspek na si Wilfredo Aguilada II, 40, Local Goverment Unit Employee, residente sa Brgy. Maura, Aparri, Cagayan.
Ayon kay PCpt Zambale, bandang alas 5:00 ng umaga naaresto si Aguilada II sa nasabing barangay ng pinagsanib na puwersa ng Aparri Police Station, 2nd Provincial Mobile Force Company, Provincial Intelligence Unit- Cagayan, Philippine Drug Enforcement Agency-Batanes Naval Intelligence and Security Unit 12.
Nakumpiska mula sa suspek ang anim na piraso ng transparent plastic sachet, walong pirasong maliliit na pakete na naglalaman ng hinihinalang shabu, limang lighter, tatlong aluminum foil, 31 piraso ng bala para sa 9mm, apat na bala para sa caliber .45, isang ARMSCOR 9mm pistol, isang 9mm magazine na may limang bala, isang STI EDGE caliber .45 pistol at tatlong caliber .45 magazine na kargado ng 17 na bala, isang black sling bag at isang green sling bag.
Ang suspek ay nahaharap sa kasong paglabag sa RA 10591 o Comprehensive Firearms ang Ammunition Regulation Act at RA 9165 o Comprehensive Dangerous Drugs Act of 2002.
Samantala, pinuri naman ni Police Colonel Renell Sabaldica, Provincial Director ng Cagayan Police Provincial Office ang PNP Aparri sa matagumpay na pagkakadakip sa suspek.
Patuloy ang Pambansang Pulisya sa kanilang mandato upang isagawa ang lahat ng kanilang operasyon at mapaigting pa ang kanilang kampanya laban sa kriminalidad at ilegal na droga.
Source: RPIO PRO2
###
Panulat ni Patrolwoman Juliet Dayag
