Leyte – Nakatanggap ang Leyte Police Provincial Office ng isang unit ng Toyota Innova mula sa Provincial Government ng Leyte nitong ika-22 ng Mayo 2023.
Personal na itinurn-over ang sasakyan kay Police Colonel Edwin Balles, Provincial Director ng Leyte Police Provincial Office kasabay ng isinagawang Monday Flag Raising Ceremony sa LPPO Grounds, Kuta Kankabato, San Jose, Tacloban City.
Malaki ang maitutulong ng sasakyan sa operational at administrative functions ng Leyte PPO upang mas mapagsilbihan ang mga mamamayan sa lalawigan ng Leyte.
Ipinaabot naman ni PCol Balles ang kanyang labis na pasasalamat sa Pamahalaang Panlalawigan ng Leyte para sa kabutihang loob ng Provincial Government ng Leyte na bigyan ng ganitong suporta at pagtitiwala ang mga kapulisan.
