Leyte – Ipinagdiwang ng Leyte Police Provincial Office ang pagtatapos ng National Women’s Month sa pamamagitan ng isinagawang Community Outreach Activity sa Bayan ng Palo, Pastrana, Tolosa at Tanauan, Leyte noong Marso 31, 2023.
Ang aktibidad ay pinangunahan ni Police Colonel Edwin Balles, Provincial Director ng Leyte PPO, alinsunod sa National Women’s Month Celebration na may temang, “WE are for Gender Equality and Inclusive Society”.
Personal na ipinaaabot ng Leyte PPO Juanas ang 40 na sako (5kg) ng bigas na mula sa Pamahalaang Panlalawigan ng Leyte sa pamumuno ni Gov. Carlos Jericho L Petilla.
Naging benepisyaryo nang 20 empowered Single Mothers mula sa apat na bayan ng Leyte.
Layunin ng aktibidad na magbigay kasiyahan at ipadama na ang kapulisan ay laging handang tumulong sa ating mamamayan.
Kaugnay din nito ang pagkilala at pagsulong ng pantay-pantay na karapatan para sa mga kababaihan upang maipakita ang malaking papel sa ating lipunan ngayong buwan ng kababaihan.
