Santiago City, Isabela – Nagsagawa ng Learning on W.H.E.E.L.S. activity ang Santiago PNP sa pangunguna ni PLt Junatess Acacio sa Sitio Burubur, Brgy. Rizal, Santiago City noong ika-7 ng Disyembre 2022.
Isinagawa ang aktibidad sa pamamagitan ng pagtalakay sa RA 8353 (Anti-Rape Law of 1997), Safe Touch vs. Bad Touch at Proper Handwashing sa mga bata ng naturang barangay.
Aktibo at masaya silang nakilahok dahil may nakalaang mga laruan at candies para sa kanila na nakasabit mismo sa police mobile kung saan malaya silang makakapamili kung ano ang gusto nila.
Layunin ng aktibidad na ito na maturuan ang mga bata sa mga batas na dapat nilang malaman hinggil sa kanilang karapatan at makapagbigay galak sa kanilang puso habang natututo sa mga paksang itinuturo.
Sa paraang ito, hindi sila maiilang at matatakot sa kapulisan bagkus mas magiging komportable sila at magtitiwala sa serbisyong ibinibigay sa komunidad.
Source: CMFC, Santiago City
Panulat ni PSSg Jerlyn V Animos
