Quezon City – Matagumpay na nailunsad ang bagong programa ng Pambansyang Pulisya na “Sumbong N’yo, Aksyon Agad”, sa pangunguna ng Chief PNP Police General Benjamin Acorda Jr katuwang si PLtGen Rhodel Sermonia, TDCA at DILG Sec. Benjamin C Abalos, Jr, na ginanap sa PNP Media Center, 2F Multi-Purpose Center, Camp BGen Rafael T Crame, Quezon City nito lamang Mayo 22, 2023.
Malugod namang dinaluhan at sinuportahan ng iba’t ibang personalidad mula sa DILG, NAPOLCOM, DOH, PAOCC, OWWA, DMW, NTF-ELCAC, DOLE, MMDA, UFG, FKNK, at TESDA.
Ang bagong programa ay tutugon at mabilis na aaksyon sa mga sumbong ng ating mamamayan sa loob at labas ng ating bansa.
Sa pilot episode ng programa ay may isa na agad complainant ang natugunan at pinangakuan na gagawin lahat ng PNP katuwang ang DILG at NAPOLCOM upang maayos at maresolba ang problemang idinulog nito ng walang kinikilingan o pinapanigan kahit anong estado ng inirereklamo.
Ang Sumbong N’yo, Aksyon Agad ay inilunsad ng Pambansang Pulisya sa tulong ng Police Community Affairs and Development Group upang mas mapalawig at mas mapabilis ang pag-aksyon ng kapulisan sa anumang uri ng sumbong at reklamo ng ating mamamayan.
Hindi lamang mga sumbong at reklamo ang mapapanood sa programa sapagkat bibida rin ang mga accomplishment ng ating mga kapulisan sa iba’t ibang panig ng ating bansa.
Inaasahang maraming sumbong ang agarang maaksyunan at matutugunan ng programang inilunsad na mas magpapatibay sa magandang ugnayan ng kapulisan sa komunidad.
