Laguna – Nagsagawa ng Launching ng Battle Against Drugs (BAD) ang Police Regional Office 4A sa Multi-Purpose Center Camp BGen Vicente Lim, Canlubang, Calamba City, Laguna ganap na 9:00 ng umaga nitong Miyerkules, Enero 18, 2023.
Pinangunahan ang aktibidad ni Police Brigadier General Gregory Bogñalbal, Deputy Regional Director for Administration ng Police Regional Office 4A at Bishop Danilo Bornales, Founder/President ng BAD bilang Guest of Honor and Speaker.
Ang naturang aktibidad ay dinaluhan ng mga Chief ng Police Community Affairs and Development ng limang Police Provincial Office ng rehiyon, mga BCAD Officers ng RMFB4A, Values/Life Coaches ng mga iba’t ibang Faith Based Group, Coordinators ng Regional at Provincial Level at Regional Police Community Affairs and Development Unit 4A sa pangunguna ni Police Major Noel Valdez.
Ang layunin ng programa ay upang ilantad ang kasamaan na dulot ng ilegal droga, iligtas ang mga biktima mula sa pagkalulong dito, at sanayin ang daan-daang mga tagapagturo, lecturers sa lahat ng paaralan, unibersidad, kolehiyo sa buong bansa upang wakasan ang problema ng ilegal na droga sa bansa para sa maunlad, tahimik at maayos na komunidad.
Panulat ni PEMS Joe Peter Cabugon/RPCADU4A
