Namahagi ng personalized na lapis ang Buenavista Police Station na tinaguriang “Lapis ni Pulis” sa mga mag-aaral ng Merryland Elementary School sa Barangay Merryland, Buenavista, Bohol pasado alas-2:00 ng hapon noong Enero 10, 2024.
Ang naturang programa ay inisyatibo ng mga tauhan ng Buenavista Police Station sa pamumuno ni Police Captain Agosto Cesario L Sumaylo.
Ito ay isang pamamaraan ng istasyon na magsagawa ng information drive sa pamamagitan ng pagbisita sa mga paaralan at pagsasagawa ng mga lecture upang alisin sa kaisipan ng mga bata ang “takot sa mga pulis”.
Ang pangunahing layunin ng aktibidad ay ang patuloy na pagtataguyod ng magandang ugnayan sa pagitan ng pulisya at komunidad upang maitatag ang matagalang solusyon sa krimen at dagdagan ang tiwala sa pagitan ng pulis at mamamayan.
Panulat ni Patrolwoman Annalyn Canoog
