Arestado ng pulisya ang isang Most wanted Person na may kasong Lacivious Conduct sa Sitio Bintuan, Barangay Malaking Patag, Culion, Palawan nito lamang ika-28 ng Abril 2024.
Kinilala ang naarestong suspek na si Alyas “JM”, 24, may-asawa, residente ng Sitio Bintuan, Barangay Malaking Patag, Culion, Palawan at nakatala bilang Rank No. 3 Most Wanted Person sa Municipal Level.
Nadakip ang suspek sa bisa ng Warrant of Arrest sa kasong Lascivious Conduct sa ilalim ng Seksyon 5 (B) ng Republic Act 7610.
Bilang tugon sa kanyang pansamantalang kalayaan ang hukuman ay nagtakda ng piyansa na nagkakahalaga ng Php200,000 para sa kasong Lascivious Conduct.
Ang ating kapulisan ay patuloy na maglulunsad ng mga operasyon upang mahuli ang mga taong wanted o may pananagutan sa batas upang maihatid ang hustisya sa kanilang mga naging biktima at mapanatili ang kaayusan at kaligtasan ng ating komunidad patungo sa isang Bagong Pilipinas.
Source: Thunder News Philippines
Panulat ni Patrolwoman Desiree Padilla
