Tacloban City – Arestado ng mga tauhan ng Tacloban City Police Station 1 ang isang lalaki na wanted sa kasong Illegal Gambling sa Brgy. 88 Fishermans Village, Tacloban City nito lamang Martes, Setyembre 20, 2022.
Kinilala ni Police Captain Concas A Castello, Officer-In-Charge ng Tacloban City PS1, ang naaresto na si alyas “Noel”, nasa legal na edad at residente ng Brgy. 90 San Jose, Tacloban City.
Ayon kay PCpt Castello, ang nasabing akusado ay inaresto sa bisa ng Warrant of Arrest dahil sa paglabag sa PD 1602 o ang Anti-Illegal Gambling na may inirekomendang bailbond na Php30,000 para sa kanyang pansamantalang kalayaan.
Tinitiyak naman ng PNP na patuloy at hindi titigil sa kampanya laban sa lahat ng uri ng ilegal na aktibidad sa kanilang area of responsibility upang pangalagaan ang kaligtasan ng bawat mamamayan sa kanilang nasasakupan.
Panulat ni Patrolwoman Rialyn B Valdez
