Ilocos Norte – Arestado ng pulisya ang isang Wanted Person ng San Nicolas, Ilocos Norte sa kasong Frustrated Murder nito lamang ika-16 ng Mayo 2023.
Kinilala ni Police Major Eduardo Santos, Hepe ng San Nicolas MPS, ang suspek na si Raffy Ulep alyas Nano, 38, residente ng Brgy. 6 San Juan Bautista, San Nicolas, Ilocos Norte.
Ayon kay PMaj Santos, bandang 8:37 ng umaga nang maaresto ang suspek sa Brgy. San Juan Bautista, San Nicolas, Ilocos Norte ng mga operatiba ng San Nicolas Municipal Police Station at Aguilar MPS, Provincial Intelligence Unit-INPPO at 2nd Provincial Mobile Force Company.
Dagdag pa ni Major Santos, naaresto ang suspek sa bisa ng Warrant of Arrest sa kasong Frustrated Murder na may rekomendadong piyansa na Php200,000.
Patuloy naman ang PNP sa pagpapaigting ng kampanya laban sa mga taong may pananagutan sa batas para sa tahimik at ligtas na pamayanan.
Source: San Nicolas MPS
Panulat ni PSSg Carmela G Danguecan