La Union – Arestado ng Rosario PNP ang isang lalaking wanted sa kasong Frustrated Homicide sa Barangay Concepcion, Rosario, La Union nito lamang Enero 16, 2024.
Kinilala ni Police Major Janly Placido, Officer-In-Charge ng Rosario Police Station, ang naarestong suspek na si Del, 19, walang asawa at residente ng Barangay Concepcion, Rosario, La Union.
Ayon kay Police Major Placido, bandang 12:30 ng hapon nang naaresto ang suspek sa bisa ng Warrant of Arrest sa kasong Frustrated Homicide na may rekomendang piyansa na Php120,000.
Ang matagumpay na operasyon ng kapulisan ay bunga ng walang humpay na pagsisikap upang lutasin ang problema sa krimen at siguraduhin ang kaligtasan ng mamamayan na kanilang nasasakupan.
Source: Rosario Police Station
Panulat ni Pat Jenilyn Consul
