Ilocos Sur – Arestado ang isang lalaki na wanted sa kasong Frustrated Homicide sa isinagawang operasyon ng Vigan City PNP sa Brgy. VIII, Vigan City, Ilocos Sur nito lamang Linggo, ika-18 ng Hunyo 2023.
Kinilala ni Police Lieutenant Colonel Reynante Pitpitan, Hepe ng Vigan City Police Station, ang suspek na si Mike Dharyle Agwayaway Ayson, 24 at residente sa Brgy. San Julian Sur, Vigan City, Ilocos Sur.
Ayon kay PLtCol Pitpitan, inaresto ang suspek sa bisa ng Warrant of Arrest na inihain ng Vigan City Police Station sa kasong Frustrated Homicide na may rekomendadong piyansa na Php72,000.
Patuloy naman ang Vigan City PNP sa pagsisiguro ng katahimikan sa kanilang nasasakupan at panagutin sa batas ang mga taong nagkasala.
Source: Vigan City Police Station
