Camarines Norte – Arestado ang isang lalaki na may Warrant of Arrest sa kasong Swindling (Estafa) sa isinagawang Manhunt Operation ng Daet PNP sa Purok 2, Barangay Calasgasan, Daet, Camarines Norte nito lamang Oktubre 17, 2023.
Kinilala ni PLtCol Bon Billy Timuat, Hepe ng Daet Municipal Police Station, ang akusado sa alyas na “Marc”, 40, may asawa at residente ng nabanggit na lugar.
Ayon pa kay PLtCol Timuat, bandang 9:20 ng umaga ng maaresto ang akusado ng operatiba ng Daet MPS sa bisa ng Warrant of Arrest sa kasong Swindling (Estafa) under RPC Article 315 as amended by PD 1689 na may inirekomendang pyansang Php18,000.
Samantala, ang Daet MPS ay pinaigting ang kanilang mga operasyon upang madakip ang mga taong lumabag sa batas para sa isang tahimik at ligtas na komunidad.
Source: Daet MPS CNPPO
