Cebu City – Arestado sa magkatuwang na operasyon ng kapulisan sa Cebu City ang isang lalaking wanted sa kasong Frustrated Murder, dakong ala-1 ng hapon noong Martes, Hunyo 13, 2023 sa Sitio Hi-way, Brgy. Pung-ol Sibugay, Cebu City.
Kinilala ni Police Lieutenant Colonel Dexter Calacar, Force Commander ng Cebu City Mobile Force Company, ang suspek na si ‘Arnel’, 34, residente ng nabanggit na lugar at naaresto sa pamamagitan ng paghahain ng Arrest Warrant ng mga tauhan ng Cebu City Mobile Force Company (CMFC) at Criminal Investigation and Detection Group (CIDG).
Si Arnel ay may Warrant of Arrest sa kasong Frustrated Murder na may rekomendadong piyansa na Php200,000.
Patuloy naman ang pulisya sa pagbibigay ng maayos at mahusay na serbisyo para matiyak ang kaligtasan ng publiko.
