Arestado ang isang lalaking tulak ng ilegal na droga sa inilunsad na buy-bust operation ng pinagsamang mga operatiba ng Naga City PNP sa Zone 4, Barangay Pacol, Naga City nito lamang Nobyembre 19, 2023.
Kinilala ni Police Major Antonio Per, Station Commander ng Police Station 4- NCPO ang suspek na isang 39- anyos na lalaki, binata, walang trabaho at residente ng Sitio Matiway, Barangay San Felipe, Naga City.
Ayon kay Police Major Per, ikinasa ang operasyon bandang 4:53 ng hapon ng pinagsanib na mga operatiba ng Police Station 4-Station Drug Enforcement Unit, City Intelligence Unit-NCPO at Naga City Mobile Force Company intel sa pakikipag-ugnayan sa PDEA-Naga City Office.
Nakumpiska mula sa suspek ang 1.25 na gramo ng pinaniniwalaang shabu na may street value na Php3,250.
Nahaharap ang suspek sa kasong paglabag sa RA 9165 o ang Comprehensive Dangerous Drugs Act of 2002.
Ang matagumpay na operasyon ay bunga ng walang tigil at mas pinaigting na kampanya ng Naga City PNP kontra ilegal na droga upang mapanatili ang kaayusan at katahimikan sa lungsod ng Naga.
Source: Naga City Police Office
