Catbalogan City, Samar – Arestado ang isang lalaking tulak ng droga sa isinagawang buy-bust operation ng mga operatiba ng Catbalogan City Police Station sa Brgy. Bunu-anan, Catbalogan City, Samar nito lamang ika-16 ng Agosto 2022.
Kinilala ni Police Lieutenant Colonel Jonathan O Del Rosario, Chief of Police ng Catbalogan CPS, ang naaresto na si Gil Villamor Jr y Mendezabal alyas “Yeye”, 33, may asawa, walang trabaho at residente ng Brgy. 6, Catbalogan City, Samar.
Ayon kay PLtCol Del Rosario, bandang 12:39 ng madaling araw naaresto si alyas Yeye ng pinagsanib na pwersa ng Station Drug Enforcement Team ng Catbalogan CPS sa pangunguna ni Police Captain Niño T Cabañas katuwang ang Philippine Drug Enforcement Agency Regional Office 8.
Narekober sa suspek ang apat na heat-sealed plastic na naglalaman ng puting crystalline substance na hinihinalang “shabu” na ipinasa sa PNP Forensics Unit para sa laboratory examination.
Ang naaresto ay nahaharap sa kasong paglabag sa RA 9165 o Comprehensive Dangerous Drugs Act of 2002.
Ang pagkakaaresto ng Catbalogan City PNP sa naturang suspek ay nagpapakita na ang PNP ay mas matatag at determinado sa pagtugon sa problema ng ilegal na droga at kriminalidad sa lalawigan ng Samar.
###
Panulat ni Patrolwoman Rialyn B Valdez
