Arestado ng mga tauhan ng Manila Police District at Philippine Drug Enforcement Agency (PDEA) ang isang tulak ng ilegal na droga nito lamang Miyerkules, Oktubre 2, 2024.
Kinilala ni Police Brigadier General Arnold Thomas Ibay, District Director ng MPD, ang suspek na si alyas “Allan”, 39 anyos at residente sa Q. Boulevard Barangay 464 Sampaloc, Manila.
Ayon sa ulat, ang suspek ay tinaguriang Top 5 sa talaan ng PDEA Regional Level Target List (NCR) na nadakip makaraang magpositibo sa ikinasang buy-bust operation ng mga awtoridad sa Nartatez Foot Bridge Quezon Boulevard, Sampaloc, Manila kung saan nakumpiska mula sa suspek ang limang pakete ng shabu na tinatayang may timbang na 52 gramo at nagkakahalaga ng Php353,600.
Ang matagumpay na operasyon ay resulta ng magandang ugnayan ng MPD, PDEA at komunidad upang mapanatili ang isang mas ligtas, maayos at mapayapang bansa tungo sa Bagong Pilipinas.
Panulat ni PSSg Remelin M Gargantos
